Jowai: Ka jylla Odisha, West Bengal, wa Andhra Pradesh da man ki kiwa da pynkhreh wow pdiang ya u Cyclone Fani, uwa daw ktah ya kini ki jylla mynstep ka sngi katkam i ong ka Indian Meteorological Department neibhah katkam wa man katni uni u Cyclone dang lai luti u na duriaw Bay of Bengal.
Neiliang u Montri Rangbahdooh ka ri, u Narendra Modi leh ynne ka janmiet da khut u ya ka yalang wa kyrpang heiyatoh wa kammon u pynkhreh hawa wan uni u Cyclone ya uwa da antaad wa ka la-ær u khlan ko kamwa 175 km/h wei wow man uwa khlan tam nadooh u snem 1999 heiwa da khlaad hadooh palat 10,000 ngut ki bru.
Ki station rel wa ki airport leh da man ki kiwa da khang ha ki thaw kiwa daw lai luti uni u Cyclone.
Neiliang ki chipai Navy, Air Force, Coast Guard, National Disaster Response Force (NDRF), Odisha Disaster Rapid Action Force (ODRAF), wa kiwi kiwi leh da man ki kiwa da pynkhreh wow lai e yarap ha iwon iwon i por. Neiliang ka NDRF NDRF da phah ko 28 team cha Odisha, 12 ha Andhra Pradesh wa 6 ha West Bengal wei da pynyang ko leh sa ya kamwa 30 team kiwa ye u lai e yarap heiwon iwon i por.
Ha ki 11 tylli ki District ka jylla Odisha da booh ya kamwa 880 tylli ki thaw rieh.
Waroh ki skur wa kiwi ki thaw puræ kamjooh ki yung krehkaam da man ki kiwa khang.
Da pyndam leh ya ki chuti yong waroh ki pulit wa ki doctor hapoh ka jylla Odisha khnang wow ye ki u e chakri cha ki paidbah kam ha kini ki por.
Discussion about this post