Khliehriat : Ka Umlyngsha Youth Society And Sports Club (UYSSC), Elaka Lakadong , East Jaiñtia Hills District Khliehriat da pynman ko ha ka sien kawa nyngkong dooh ya ka lympung kawa tip kam “1st Woh Kiang Nangbah Memorial Football Tournament 2016” (Knockout) kawa pynlai hei dur ka 8 A-side ha Umlyngsha Village, ong u W. Syrti President UYSSC.
Chooh chooh da pteiñ deiwa ong wa ya kani Tournament da pynman kam chibynta wow kynmoo warom ya u khlawait ka Ri Jaiñtia yong i uwa da yakhun pyrchah ya ka sorkar pharæng neibynta wow im ka Ri wa ka Jaitbru yong i, hei jooh i por wow kyntu ya i sap yong ki khynroo ha ka liang ka yachutbol.
Neitæ ya kani ka WKNMFT da yakreh lang leh wa ka Office District Rural Development Agency wa ka Office District Sports Office , East Jaiñtia Hills. Ki kattu katni kiwa chah khut sñiawbha ha kani ka sngi sdang toh u Deputy Commissioner , East Jaiñtia Hills, u Project Director ka DRDA, u BADO, u BDO, u DSO, Dolloi Elaka Lakadong, kiwa heh ka Elaka wa kiwi kiwi ki Waheh de.
Ka yakhun wa nyngkong mynstep toh ha pyrdi ka HNYF FC (Middle East, East Jaintia Hills) pyrchah ya ka Lakadong Umlatdoh SC heipor 1 waje nohchariñ ka sngi ha Lumthangiong Playground, Umlyngsha Village.
Kani toh katkam khubor kawa da pyllait da u Namphrangmi L Talang Genl. Secretary UYSSC.
Discussion about this post