Jowai : Hadien wada sangeh krehkaam kiwa kreh ka Jowai Municipal Board (JMB) wei i jhep ha kut ki yung ki sem, ki kdong ki chmiang wa cha yaw cha hat da lang i; ynne ka 25 tarik neiliang ka Office u DC hei emlang u CEO ka Jowai Municipal Board da khut yalang u ya kiwa kreh kani ka Board.
Hadien kani ka yalang da rai wa u sdang biang ki u kreh nadooh mynstep ka 26 tarik nadooh 7 waje i step neibhah kini kiwa kreh sñiawkhia mynsien wa da khut ya ka chnong Jowai kam kawi na ki chong wa tngit tam hanlada ympu yoh tulop ki kattu la 7 bnai.
Katkam ka yutip wada yoh da ong wa ka sorkar da bien ko u su ya ka yulop wa chibnai yong u Naikhynde (September) 2015 cha kiwa kreh ka Board wei ka tulop wa sah sa ynñiaw bnai won u su pyndep ya ka hapoh u Naiynru (June) 2016.
Discussion about this post