Mynstep u wanrah ka liang pyrchah yei wym chaniah de ya u Lamphang

Shillong:  Ka Dorbar Tlang ka yung dorbar chna aiñ ka jylla ka wow sdang mynstep daw man ko kawa chongchit bha neibhah neiliang ki MLA kiwa em ha ka liang pyrchah daw rah ki ya ka mat wym chaniah de ki ya u Lamphang ka Yung Dorbar ka jylla, u Abu Taher Mondal.

Ya ini i wym chaniah de ya u Lamphang daw wanrah da u James K Sangma ka NPP ka wow kyrchaan da kiwi ki seiñ saiñ pyrthai wa kynthup ya ka UDP, HSPDP, wei da em leh ki MLA wa thmu wow mih noh na ka Congress.

Hawa yaklam wa u Lamphang ynne ka sngi, da ong u wa ym em sñiaw phylla u yeini neibhah ka aiñ chah hi ko wow leh kamtæ wei heijooh i por da ong u wa ini ymtoh ka sien wa nyngkong wa da rah ya i wym chaniah ya u Lamphang tangwa man ko ka sien kawa le.

Da kylli won u wa ha kawon ka yurim wa ka liang pyrchah u wanrah ko ya i wym chaniah de ya u hawa ong ki u tyngkheiñ ya ka sorkar, tæ neiyi i daw won ya u Lamphang uwa ym em yatoh wa ka sorkar.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Heijooh i por, ka yalang yong ka Parliamentary Party ka MUA wa da man ynne i janmiet ha yung sah u montri rangbah, u Dr. Mukul Sangma da yaklam wa kammon wow pynskem ya ka sorkar wei wow yaleh pyrchah yei thmu wow pyrchah ya u Lamphang.