Mynstep u yaleh ka Langsning FC pyrchah ya ka Jamshedpur FC yow yoh sa 3 Point

Shillong: Ka Langsning FC da kyrmen ko wow jop ar sien ya ka Jamshedpur FC wow yoh sa le point manda yachem ki mynstep ha Jawaharlal Nehru Stadium, Shillong heipor 4:00 waje i janmiet.

Ka bai psiah u man ko mynkna mynstep haka yalehke Second Division League lait noh ha ki thaw chong VIP Gallery kiwa da dep booh kyrpang chwa. Kani ka yalehke ka Langsning man ko kawa khaddooh ha ka Final Group Stage Home Match.

Hawa lai ka Langsning cha Jamshedpur da pynrem ko ya ka da 3-1 haka 4 tarik uni u bnai.

Ka Jamshedpur da yoh ko 8 Point na ki 8 tylli ki yalehke kawa em ha tre dooh ka Group C, wei da wan ko cha Shillong hadien wa rem ko 5-0 ha ka TRAU FC ha Imphal.

Related posts

Pynche ka EJDCA yei chah ujor ko | Lai bait i pyndep ya ka Final ka District League

June 29, 2026

Jop ka 12 Daloi wa ka Smit Veterans ha Wahiajer

June 27, 2026

Ka Langsning da jop ko ya ka yalehke wa nyngkong ha Shillong wei da rem ko chisien wei da ya Drawn ko arsien.

Ka Langsning da wan biang ko cha Shillong hadien wa pynrem ko ya ka Bengaluru FC da 3-0 ha Bangalore ha kani ka 25 tarik.

Yow yaleh wow poi cha ka Final ha ka Second Division, ka Langsning da yohbor ko hadien wa haka 29 tarik uni u bnai, ka Bengaluru da pynrem ko ya ka Mohammedan Sporting da 2-1 heiwa ka Langsning da tam ko da le Point ya ka Mohammedan.

Ka Langsning kattæ da em ko 12 Point katwa ka Mohammedan em ko 9 Point wei pyn-ar dang em ki sa artylli ki yakhun wa dang sah.