Ki Million ngut ki bru kiwa em ha Asia wa Europe myntu i miet daw yoh ki wow sakhi yei kylla rong soo u bnai wa tip kam ka Blood Moon neidaw ka Lunar Eclipse namo ka Ksang Bnai.
Ini da jia i manda em ka pyrthai hapyrdi ka sngi wa u bnai wei da man ko leh ka Lunar Eclipse wa khaddooh uni u snem wei kawa ar donhi ha uni u snem hadien kawa da jia ha u March.
I syrngu ka pyrthai u sdang i wow kah ya u bnai nadoh 8:58 myntu i miet wei daw tymmoh i ya waroh uwi u bnai (Total Eclipse) heipor 11:01 i miet wei daw kut won ka Total Eclipse heipor 12:22AM (8 tarik). I syrngu ka pyrthai u wiar i nei dur u bnai heipor 2:25 AM.
I daw wa kylla rong soo u bnai toh neidaw i Rayleigh Scattering heiwa ka pyrthai lyngba ka Atmosphere yong ka da chim ko ya ka Blue Light wei da pynlai ko ya ka Red Light cha u bnai wei myntu i miet i kylla rong soo u bnai daw neh i hadooh 82 minit.
Kiwa em ha Meghalaya leh daw yoh ki wow sakhi yeini lada yoh ya ka suiñ bneiñ wa khooid wei ym em u lyoh wa kah.
Kani ka Lunar Eclipse toh kawa jrong dooh nadooh u snem 2022 kawa chynna na India.
Discussion about this post