Mynstep u sdang ka Autumn Session kawa daw neh san sngi

Ka Autumn Session 2025 ka yung dorbar chna aiñ ka Meghalaya u sdang ko nadooh ka 8 tarik hadooh ka 12 tarik uni u bnai kawa man san sngi.

Ha kini ki san sngi da booh bhah le sngi kam ki Government Business wa ar sngi kam ki Private Members’ Business.

ADVERTISEMENT

Neiliang u Thomas A Sangma uwa man kam u Speaker ka yung dorbar da ong u wa i sdang ya ka dorbar da ka Monday heithaw ka Friday toh i wym em wa khang neibhah ynnin u snem da sdang ka ha Friday heiwa da man ko san sngi hi deiwa pteiñ hadooh ka Friday neidaw wa em ha sngi chuti Janmashtami.

Da ong u wa ha kani ka kynti rap duna ki Government Business khamtam ki Supplementary Demands wa ki Demands for Grants, kamtæ ka Business Advisory Committee da mynjur ko wow pynman ya ka dorkar wa san sngi nadooh ka Monday hadooh Friday.

Related posts

Da ki mar baam e yarap ka Tuber Biker’s & Tour Association cha ka 7-Thyndai Child Care Institute

October 20, 2026

Mih i dur u Elon Musk kam iwi na ki khlieh u Rabon

October 19, 2026

Neiliang uwa yahkhmat ka Liang Pyrchah, u Mukul Sangma da ong u wa neini chakhmat toh u pyjrong yei pynman dorbar khamtam hawa chong pynman ya ka dorbar mang tangka.

Da ong u leh wa deiwa pynboon sngi daw e laad ya ki kam kiwa mihkhmat paidbah wow yaklam yatai ya ki kaam wa ktah ya ka jylla wei manda pynbna ya ka dorbar toh u khieñ katwon boon ki kaam wa hap u warah da ka sorkar wa kiwi de yong kiwa mihkhmat ki wym em man kam ki Montri sorkar næ ki wym em hapoh ka sorkar.

Chooh chooh da ong u wa sñiawthooh hi leh wa neidaw wa ka sorkar hap ko wow wanrah chiboon, ka em hok hi ko wow yoh rap boon i por tangwa da ong u wa kani ka Autumn Session wa kattæ toh ka wym dap por wow wanrah yaklam ya waroh iwa kwah wei wow kylli yeiwa kwah, kamtæ da hap wow bhah dei miat ya ki ar sngi wa da booh kam ki Private Members’ Business.