Na Delhi pynman yalang wa kyrpang u Conrad wa ki DC ki BDO lyngba ka Video Conferencing

Shillong: U montri rangbah ka jylla, u Conrad K. Sangma ynne da khut u ya ka yalang wa chisien chi bnai namo ka Monthly Review Meeting wa ki DC wa BDO yong ka District waroh kawi ka jylla wow klam hajrong i pynkrehkaam ya ki kaam pynroi wa wan na ka sorkar pyrdi.

Ya kani ka yalang da pynman lyngba ka Video Conferencing na Delhi, katwa ki DC wa ki BDO won da em ki na jar jiar ki District yong ki.

Ha ka yalang da yaklam hajrong i pynkreh kaam ya ki scheme kam ka MG-NREGS, Pradhan Mantri Awaas Yojana (PMAY), National Social Assistance Programme (NSAP) wa ka Swacch Bharat Mission.

U Conrad da hukum u ya ki DC wa ki BDO wow pyndep ki u kreh ya ki scheme hapoh i por wa da booh khamtam ki kreh kiwa da sahteiñ.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

“Da yaklam leh hajrong wow pynkrehkaam hok ya ki scheme khnang wow myntoi sakhiat ki paidbah ka jylla waroh kawi,” da ong u Conrad.

Da pyntip u wa kam kani ka yalang wa pynman lyngba ka Video Conferencing da man ko kawa miat wow pyntikna wa krehkaam hok ya ki scheme deiwa khooid.

Ini i rukom krehkaam u montri rangbah da yarap bha i deiwa pynemkaam ya ka stat ka juk wa katni wei da wanrah ko yei rukom kreh iwa yajan hapyrdi ka sorkar.