Na Imphal chem ya ka kari wa thied na Shillong hei pyrtuid u bru wym tip yeini

Heiyatoh wa kawi ka kaam chah thok iwa da jia ha Shillong wa da takit da ka Sadar Police Station heiwa da em wa rah ya kawi ka kari.

Da ye wow chem ka na Imphal, Manipur wei ini toh hadien wa ujor pyrchah ya u Mohammad Fareed uwa sah ha Barapathar Mawbah, Shillong.

Katkam ka ujor, u Fareed da pynbiej u ya uwa ujor wow man kam uwa pynchah pyrtuid (Guarantor) yow thied ya kawi ka kari Maruti Suzuki Eeco tangwa ym tip won u wa da Register leh ya ka kari hei pyrtuid uwa ujor.

Hadien ini neidaw wa da thied ya ka kari hei pyrtuid uwa ujor da pynman leh wow su u ya ka ram man-u-bnai.

Related posts

Yoh kem ki pulit ka West Jaiñtia ya 5 ngut kiwa emkti wow tooh Scooty | 4 ngut kiwa dang khian rta

April 24, 2026

Da ka wait na khlieh hadooh wa yap chah pam u khynnah wa dang 3 snem pyn ha u ma u ha Umdang

April 23, 2026

Kani ka kari hadien wa dep thied ka ym de ko ha Shillong wei ki pulit dei kreh chitom da chem ki ka na Imphal wei ka takit dang lai ko yow chem yei sakhiat.

Ha iwi won i jia, ki pulit ka Nongmensong OP da yoh ki wow kem ya ka Truck wa em Number AS-01CC-3985 kawa da kit ya kiwa boon ki mar tooh nadooh ki Beam (10 tylli) wa ki Shuttering Jack (32 tylli) wa kiwi de kawa pynyieñ ha 4^th Furlong ha ka 29 tarik u bnai wa dep.

Heiyatoh wa ini i kaam tooh, da kem leh ya kawi ka Local Taxi kawa em Number ML-05K-7554.