Kam chibynta ka Global Running Day kawa da pynman ha man ka Wednesday wa nyngkong u Naiynru (June), kawa da haap ynne ka 4 tarik, da lehkmen ya ka yow pynyoo pyrthai yei yoh myntoi deiwa lai phet.
Kam chibynta ini, u Chemphang Syrti, IPS, Superintendent of Police, West Jañtia Hills District da phet u 33 km deiwa sdang heipor 5:00 waje i step na Jowai wei dapoi u ha Khliehriat heipor 8:00 waje i step.
Ini i lai phet man ko kam wow e mynsien ya kiwi wow im deiwa pynmyllien ya ki kaam wa chait wa khiah wei wow pynsñiawthooh leh yei mynoti wa ye u yoh deiwa lai phet.
Ini toh i sien wa ar wa u SP da leh u yeini deiwa phet 33 Km na Jowai cha Khliehriat. Ha u snem 2022 da yahkhmat u ya ki pulit na 3rd BN MLP, Sahbsein yow phet na Jowai cha Khliehriat, tangwa ynne won yeini da leh u samen.
U SP toh uwa da jooh pynman leh yei lai phet da boonsien kam chibynta ka Fit India Run hapoh ka West Jaiñtia Hills District man-ka-tayaaw deiwa chimbynta ki pulit kiwa lai phet 10 Km.
Dei bor yong oo samen deiwa kheiñ yeiwa da phet u dapoi 2000Km ha ki ar snem wa da lai nadooh u 2023 hadooh u 2024 lyngba ka Nike Run Club App.
Discussion about this post