Na ka Phone u Storgy chem sabut dawa poisa, sah sa du 30 ngut ki dkhot HNLC ha Bangladesh: IGP

Ka Inspector General of Police (IGP), ka Claudia Lyngwa da ong ko wa em sa du kamwa 30 ngut ki dkhot ka seiñ Hynniewtrep National Liberation Council (HNLC) kiwa rieh ha ri Bangladesh.

Hawa klam wa kiwa thoh khubor ynne ka sngi, ka Claudia da ong ko wa katkam wa tip ka chnat pulit, i em ki dkhot ka HNLC cha Bangladesh toh hapyrdi 20-30 ngut, tangwa ym ye u tip ya ki jait tiar yaleh kiwa kammon wa em cheitai.

Heijooh i por, da ong wa dang ini wa dep da yoh kem ya u Storgy Lyngdoh uwa da wan psiah tooh na Bangladesh, wei man u leh uwa embynta hei yaklam yasuk waka sorkar ha ki bnai wa da lai.

Da pyntip leh wa na ka Mobile Phone yong oo, ki pulit da yoo ki yei em i dawa poisa cha kiwa boon bah ki bru ha kani ka jylla. Tangwa da ong wa ini i kem ya u Storgy ym ktah i yei yaklam yasuk waka HNLC.

Related posts

Chah thombor ka khynnah wa dang 6 snem | Wan pynlait ka manbei, yut u bru wa thmu leh sih

January 18, 2026

Kem ki pulit ya ar ngut ki khynroo chirup ka Pistol wa i drugs

January 18, 2026

Hajrong i kam u Storgy wa wan pyndem ha ki pulit, ka Claudia da ong ko wa u Storgy da lai u cha Bangladesh wei da sñiawthooh wa lada kwah u wow wan pyndem, toh u em u ha Shillong tangwa da lai uiñ biang u cha Bangladesh wei i wan uiñ biang u cha Shillong toh iwa ye u em iyi ræ iyi.

Heijooh i por ka IGP da ong ko wa kitu kiwa e poisa yei dawa ka HNLC næ kiwi ki seiñ kam kini daw ngat lang ki ha ka aiñ, iwa mut wa waroh kiwa dawa wa kiwa e u chah pynngat ki ha ka aiñ.