Ka Social Media hapoh ka ri India ynne ka sngi da poor ko du ki dur u Srinivasa Gowda na Mudbidri, Mangaluru neidaw wa da wyrchaw ya oo wa u bru uwa smat dooh u phet ha pyrthai, u Usain Bolt ka Jamaica.
U Gowda da phet u 142.5 meter du hapoh 13.62 seconds ha ka tamasa Kambala ha kawi ka hali ha ka 1 tarik uni u bnai.
Ini mut i wa da phet u 100 meter du hapoh 9.55 second katwa u Usian won da pyndep u wow phet hapoh 9.58 second.
Kani ka tamasa Kambala toh wow pynphet ya ki mooid ha ka hali.
Hajrong ini waroh u montri ka sorkar pyrdi wa pait ya ka chnat kyalehke, u Kiren Rijiju da ong u wa daw khut u ya u Srinivasa Gowda wow pait ki heh yong ka SAI ya oo.
Da pynche u leh wa kiwa boon hi duna i tip ya ki kyndon wa ki aiñ ka Olympics khamtam wa yatoh wa ka Athletics.
U Kiren da ong u leh wa daw yaleh u katwa ye wow chem ya kiwa em sap ha ki yalehke wei ymtoh u chah ieh ki chadien.
Discussion about this post