15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Sa uwi u nong India wa yoh COVID-19 hapoh ka Diamond Princess, daw li thooh ka USA ya ki bru yong ka

0 Comments
Advertisement ad1
Advertisement ad1

Kiwa yoh ya u COVID-19 hapoh ka jhaad Diamond Princess kawa chah khang kset (Quarantined) ha i ka thaw sangeh jhaad ka chnong Yokohama, Japan dang ku i katwa dang lai ki sngi wei da palat ki 200 ngut.

Na kini, sa uwi toh u wakreh hapoh kani ka jhaad (Crew Member) uwa da yoh ya uni u khniang iwa da pynpoi ya ki nong India wa yoh ya uni u khniang cha ki le ngut.

Ya kiwa yoh ya uni u khniang da kit waroh cha ki thaw sumaar yoh yoh ki yei sumaar kmajooh yow boh ki ha ki thaw wym yoh uni u khniang wow poor cha kiwi.

Neiliang ka Embassy of India kawa em ha Tokyo da ong wa da yoh ko wow yaklam wa ki nong India wa yoh ya uni u khniang wei man kiwa da sdang u chait.

Neiliang ka sorkar ka USA won da pyntip ko wa daw lithooh ko ya ki bru yong ka wa em hapoh kani ka jhaad da ki ar tylli ki lieñsuin kiwa ye u kit ya 380 ngut.

Da palat chitayaw kani ka jhaad da chah ksoh ko deilang wa 3,400 ngut kiwa em haka deiwa thmu wow pait yei long i man kiwa em hapoh 2 tayaw ka wow kut haka 19 tarik chwa wow chim yaka rai hadien wa uwi u bru wa hiar ha Hong Kong da yoh u ya u Cornonavirus. Hadien ini kiwa yoh ya uni u khniang da ko cha 218 ngut wei kiwa ym em yoh ya uni u khniang leh ym chah wow mih ki na kani ka jhaad.

Share this:
Previous

Na Karnataka mih u Usain Bolt ka India

Next

Sdang chait ki 3 ngut ki nong India wa yoh ya u COVID-19 ha ka Diamond Princess