Shillong: Ynne ka sngi hadooh 6 ngut ki dkhot ka KSU kiwa da chah kem hei yatoh wa i yakhih luti rel da yoh jamin ki na ka yung bichaar ka Meghalaya High Court hadien wa chah pynbaad ki wa emkti ki wow leh ya ki kaam pyrchah aiñ wei kini ki ynru ngut u yoh ki u mih na patok mynstep ka 22 tarik na hadien wa chah pynngat ki ha ka mukotduma ha Rynjah PS wa ka Sardar Police Station.
Kini ki wow lait jamin kynthup ki ya u Alkwis Kharbani, u Regain Mawri, u Seiborlag Pakyntien, u Shanbok Kharmawphlang wa u Kynpham Marbaniang kiwa ngat mukotduma ha ka kyndon Meghalaya Maintainance of Public Order (MMPO) wa kiwi ki kyndon ka IPC ha Rynjah Police Station katwa u Shanbor Lyngdoh da chah pynngat mukotduma ha Sardar Police Station.
Ya kini ki dkhot ka KSU daw pyllait jamin deiwa su ya ka poisa wa T. 30 hajar samen ryngkat ki kyndon wa kdoh wa khoom wa ymhoi de u leh ki ya ki kaam pyrchah aiñ wei emkaam u lai hajir ki ha ka yung kasari namo ha ki thnat pulit.
Kam wow pynkynmoo heini kamwa 26 ngut ki dkhot ka KSU da chah kem ki ha i yakhih pyrchah ya i chna ya ka luti rel ha Ronghona, Byrnhihat, Ri-Bhoi District yeiwa da sdang nadooh u Naisan uni u snem.
Hadien kini ki 6 ngut wa lait jamin daw em chooh kiwi ki dkhot ka seiñ kiwa dang yang jamin wow lait ki mynstep kiwa kynthup ya ki dkhot ka KSU na Ri-Bhoi District.
Discussion about this post