15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da ka Super-60 u pynkhreh ka sorkar jylla ya ki khynnah neibynta ka mynried yong ki

0 Comments

Shillong: Kam wow pynchlur ya ki khynnah wa leh bha ha ka puræ puthi ha ka HSSLC (Science) ki 60 ngut kiwa dapoi cha khmat ha kani ka Exam hapoh Meghalaya, yow ye won ki u poithong ha ki Entrance Examination ha ka Engineering wa ka Medical ha u snem 2019, ka Dr. M. Ampareen Lyngdoh, Minister for Information Technology & Communication (IT&C) da sdang ko da ka Meghalaya “Super-60” ynne ka sngi ha Yojana Bhavan Auditorium, Meghalaya Secretariat.

Ka Lyngdoh da ong ko wa ini i leh ka sorkar toh wow elaad ya ki khynnah napoh ka jylla yow poi ki cha ka thong yong ki deiwa pynkhreh ya ki wow yakhun ki ya ka IIT-JEE wa ka NEET.

Ka Meghalaya Super-60 Programme toh kawa da pynkhreh da ka Meghalaya Information Technology Society (MITS), IT&C Department ka sorkar jylla deiwa krehlang wa ka Think & Learn Pvt. Ltd. kawa tip leh kam ka “Byju’s”. Kani ka Company toh kawa thooh laad kammon u sikai ya ki khynnah katkam ka juk wa katni yow suk ki u sñiawthooh yeiwa sikai ha ki kot ki sla.

Hei yatoh wa ini ka MITS da sdang ko ya ka e-Learning Centre ha ka IT&C Department. Ha kani ka thaw ki khynnah wa chah jied daw yoh ki u pynemkaam ya ka Internet wa smat bha, ki printer, ki scanner wa kiwi kiwi yow ye ki u poi cha ka kyrdan yong kiwi hapoh ka ri.

Ha kani ka Super-60 da booh kyrpang ya ki khynnah ri-loom kiwa puræ Class XI napoh Meghalaya wa kynthup ya kiwa wan na ki manyung wa dooh wa duk (BPL families).

Ka esikai toh neibynta ka IIT-JEE & NEET kawa man arsnem heiwa 30 ngut u jied ya kiwa yaleh IIT-JEE katwa 30 ngut toh kiwa yaleh for NEET.

Kamwa man kattæ kiwa puræ Class XI hapoh ka Meghalaya kiwa da yaleh ya ini da em ki 392 ngut wei da jied ya 60 ngut katkam ki marks wa yoh ki ha ka exam SSLC 2017.

Ha kani ka sngi da saam leh cha kini ki 60 ngut da ki Tablet wa da em waroh iwa emkaam u pynkhreh ki nadooh ki phang kylli wa ki tiar ki tar wow yarap ya ki u pynkhreh ya ka IIT-JEE / NEET.

 

Previous
Next

0 Comments

Leave a Reply