Ka Campus Recruitment Drive (Walk-In-Interview) neibynta ka IndiGo Airlines yow man kam ki Cabin Crew da pynman ka da ka Emporium Skills Training Institute (ESTI) ha ka Training Centre yong ka kawa em ha Don Bosco Youth Centre (DBYC), Laitumkhrah, Shillong.
Waroh da em 700 ngut kiwa da wan chakhmat na ka thaaiñ North East wow leh ya ka Online Registration heiwa na kini da wan 242 ngut wow leh ki ya ka Interview wa Assessment Round.
Hadien wa dep u leh ya waroh, da chah jied du soo ngut wow yoh kreh.
Ha u September 2025, ka ESTI deilang ka Don Bosco Youth Centre, Shillong da soi soskular Memorandum of Understanding (MoU) ki yow e sikai neibynta ki kaam wa yatoh wa ka Aviation, Hospitality wa ha ki Luxury International Cruise Line neibynta ki khynroo khyllood ka Meghalaya wa ka North East waroh kawi.
Wei kani ka Cabin Crew Recruitment Drive toh kawa nyngkong hadien wa soi ya ka MoU, wei deiwa boon ki lieñsuiñ wa hær katni cha kiwa boon ki thaw, da yooluti wa daw ye wow pynkhreh chooh chooh yow ye u yoh kreh ha ki 20 tylli ki ri.
Neiliang u Fr. Michael Makri, SDB, Director of Don Bosco Youth Centre hawa e yei klam da pynsñiaw u yei sñiawsarong wa da ye u leh yeini tangwa da sñiawsih won u wa na ki 700 ngut kiwa da thap pyrtuid da chah jied du 4 ngut.
Da ong u leh wa kiwa boon na Meghalaya ym em yoh ki neidaw wym em jrong ki najrong wym pliah leh u klam Hindi wa English. Kamtæ da pynchlur u ya ki wym em chah jied wow wan ki cha ka Training Centre yow pynpliah chooh chooh.
Discussion about this post