Kam chibynta wow pynneh yei khooid wei pliah ka skurbah North-Eastern Hill University (NEHU), da yoh ko yei dur wa thymme heiwa kiwa lai puræ da pynlang ki hadooh 80 Kg i jhep Plastic wow pynwandur ya ka Signboard wa em leh ki dak “WELCOME TO NEHU” yow pdiang burom cha kani ka skurbah ha ka Gate No. 1.
Ya kani ka Project da kreh da ka karkhana wa leh Recycling wa tip kam ka ECO-RI dei krehlang wa ka NEHU wow pynlang ya ki jhep na kani ka skurbah hei chimbynta kiwa lai puræ, kiwa sah Hostel, ki chnat puræ ka skurbah wa kiwi.
Ya ki jhep Plastic wa pynlang da pynkylla pynbha ya ki kam ki mar wa chkæh (Durable Plastic Sheet) ya kiwa da pynwandur kam ka Signboard kawa em ya ki dak pdiang burom.
Ini man i leh kam chibynta yong ka Design Innovation Centre (DIC), NEHU hei krehlang wa ka ECO-RI, heiwa da saam leh ya ki thaw noh jhep wa da Recycle ha kylleiñ ka skurbah.
Ka ECO-RI pdiang ko ya ki jhep Plastic wow pynkylla ya ki kam ki chuki, ki tiar pynriam yung, ki thaw paidbah wa kiwi kiwi deiwa krehlang wa kiwi ki skur wa thaw puræ ha kylleiñ ka jylla.
Ya kani ka Project da yoh leh i kyrchaan na ka Dean of Students’ Welfare (DSW) ka skurbah NEHU.
Discussion about this post