Ynne ka sngi ki Montri ka sorkar jylla, kitæ u Lahkmen Rymbui wa u Wailadmiki Shylla chirup wa ka MLA ka Sutnga-Saipung, ka Santa Mary Shylla da lai pait sylli ki yei kreh wow pynlait ya kiwa chah ktah ha i thaw wa pdung Dynamite ha krem mooyong wa em ha Mynsngat, Thangskoo, East Jaiñtia Hills ynnin ka 5 tarik.
Hawa yaklam wa kiwa sakhi da khana ki wa ynnin em boon ngut kiwa kreh heipor wa jia i pdung heiwa du ynnin da ye u sai ya 18 tylli ki metyap wei i pdung da man iwa joor hadooh kattæ hadooh wa boon na ki i doh i pran ki da man iwa iñkhaw.
Da khana ki leh wa kiwa mynsoo kiwa da chah sumaar ha NEIGRIHMS toh nei iñ wa joor.
Hawa yoh u yaklam wa ki kattu katni ki bru paidbah wa sah chajan ka thaaiñ Thangskoo kiwa em heini ynne, da ong ki wa ynnin (5 tarik) da pynkreh du ha ki ar tylli ki krem tæ duna kiwa yap næ mynsoo.
Da ong ki wa kani ka thaw em ko da ki phaw tylli ki krem wa em marjan kiwa pynkreh da ki spah ngut ki bru chisien pynkreh wei embhah wa ynnin da pynkreh du ha ki ar tylli ki krem tæ da mynsoo du kini donhi.
Discussion about this post