Ki 6 ngut kiwa yoh u yut na District Jail Jowai ynnin ka sngi wa kynthup ya u I Love You Talang da thooh da kdong da ki pulit heiwa ynnin da em wa yoo ki ha Nangbah heipor wa thied slipar thied juti ki tangwa hadien wa lai booddien ki pulit ki ym em chem ya kini.
Katkam ka khubor wa da yoh da ong wa da em ki 5 ngut heipor wa yoo ki bru ha Nangbah.
Kamtæ ynne i sngi da em wa yoo biang ya kini hajan ka yung krehkaam ka chnat Forest iwa em chwa u poi cha ka chnong Shangpung wei da yoo ya ki da kiwa dai dukan neibhah kini da wan ki wow thied ja nyngkong uwi wei hadien ar ngut wei waroh kiwa da wan da em ki 5 ngut.
Ka khubor da poor smat ko kamtæ kiwa chong chnong da ya mih ki wow kdong ya kini kiwa da yut chapoh khloo heiwa da yoh wow kem ya soo ngut wei dang thooh ya kiwi tangwa ye u man wa em ki 5 ngut katkam wa khana kiwa yoo ya ki.
Neiliang ki paidbah da dat da bom ki da ki dieñ ya kini kiwa da yoh ki u em.
I pyrtuid yong kiwa da yoh kem ym pu ye u pyntikna wei daw pyntip cha phi katwa dang yoh khubor.
