15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Na Thailand wan ki Chef ha Tyrchang wow pynyoo mar kylliang yei rukom chet

0 Comments
Advertisement ad1

Jowai: Ka seiñ Society of Urban and Rural Empowerment (SURE), Jowai hei yakrehlang wa ka North East Slow Food and Agro-biodiversity Society (NESFAS), Shillong da pynman ko ya ka esikai hajrong i rukom chet wa chi sngi wa i kylliang yutip hapyrdi kiwa chet na Thailand wa ki paidbah ka chnong Tyrchang, Thadlaskein Block, West Jaiñtia Hills District.

Le ngut kiwa chet (Chef) na Thailand kynthup ki ya Nutdanai Trakansuphakon, Yuttapan Phiphatmongkhonkun wa Kanlaya Chermue kiwa man leh ki dkhot ka NESFAS, Shillong da hiar ki cha Tyrchang; heiwa da pynyoo ya ka sap wa ka rukom chet ki ar liang.

Chwa wow sdang kani ka ya pynyoo rukom chet ki ar liang; neiliang ki dkhot ka NESFAS, SURE wa ki khynnah wa puræ Social Work ka St. Edmund’s College da lai li thooh ki ya ki jhoor khloo na ki khloo wa em hajan chnong.

Hadien wa wan na khloo da chet ya ki san jait ki baam wa kynthup ya ka pachor, pathoo, mynchit ktung, ktung khleh, chru, jhoor khleh wa i tungtap.

Ki Chef na Thailand da pynyoo ki kammon wow chet Ma Haw iwa man i baam wa kyrpang wa pynkhreh ya ka yung u Syiem dang na ki por nynde, neitæ da chet yei Sangkaya i jait baam wa saam hadien wa da dep baam kdang wei iwa da pynbood yei sdieh ya i doh syiar chirup wa u pathoo.

Ki jhoor khloo da khleh lang ya ki wa ki baam wa da pynkhreh da ki Chef na Thailand. Tangwa neidaw wa da tlang ym yoh ware u khait ya ki jhoor khloo kiwa em cheini kiwa ha rukom.

Ya kani pynyoo rukom chet da bhah ha ki ar bynta, nyngkong da pynyoo chwa jar jiar i rukom chet dei emlang ki dkhot ka SURE neitæ da pynbood yei baam yeini iwa da pynkhreh.

Ha kani ka sngi da emlang u Waheh Chnong ka Tyrchang, u Noah Pohshna wei hawa kut da e kylliang sñiawbha da ki tiar mar kylliang.

Advertisement ad1

0 Comments

Leave a Reply