Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

Kawi ka kari Bolero Pick Up kawa chah tooh na Aizawl District ka Mizoram ha ka 30-12-25 kawa em Number MZ-01M-7890 da yoh biang u chem ka da ki pulit ka East Jaiñtia Hills.

Kani ka kari hadien wa chah tooh ko da em wa tyrwa dai ka ha Facebook ha ka Group wa e pyrtuid “Group ia die bad thied Kali” heiwa uwa tyrwa dai ka da ong u wa da pynchna ka kam ka Dumper wei i dor wa tyrwa toh 3,50,000 donhi wei da suba leh wa uni u bru wa dai toh uwa da emkti wow tooh ka.

Hei takit ki pulit da chem wa da em uwi u bru uwa na Tluh uwa da thied ya kani ka kari heiwa da lai chim ka wei da wanrah ka cha Khliehriat Police Station.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Hadien ini da pyntip cha ki pulit ka Mizoram kiwa da wan wow chimkti ya kani ka kari ynne i step.

Neiliang ki pulit da kyntu ki ya ki bru wa hawa thied kari da kawa rim wa emkaam ki wow lai chim ya ka NOC na ki Pulit neibhah u thied ya ki kari wa chah tooh man ko pyrchah aiñ katkam ka kyndon 317 ka BNS.