U Symbood Montri rangbah ka jylla, u Sniawbhalang Dhar da ong wa ka sorkar jylla daw lai sngoh ko ya ka dwar u Prime Minister ka ri, u Narendra Modi yow e laad yow tih mooyong deiwa khian wa nai hapoh ka jylla kamwa man nachwa.
Hawa klam ynne ka sngi, u Sniawbhalang da ong u wa ka sorkar daw lai kyrpaad biang ko na u Prime Minister wa u Minister wa pait ya u mooyong yow pynkylla yei kyndon wa da booh wa emkaam hadooh 100 Hectare i thaw yow ye u tih mooyong hapoh ka jylla yow wailaad ya kiwa rap khian bor u khih mooyong ki.
Ini i pynkhreh ka sorkar yow lai sngoh biang ya ka dwar u Prime Minister heiyatoh wa ini toh hadien wa ki seiñ wa ki tre paar mooyong chirup kiwa khih mooyong da dawa ki na ka sorkar jylla wow yasaaid wa ka sorkar pyrdi yow pynlait na ki kyndon aiñ yow tih mooyong hadien 12 snem wa chah khang khih mooyong wei hawa wai leh da khor ware ki kyndon ki wym ye u pynhun.
Discussion about this post