Ka Pnar Student Movement (PSM) Central Body hei yahkhmat u President rangbah ka seiñ, u E. Passah wa u General Secretary, u W. Wann, ynnin ka sngi da lai booh ki dei thoh ha u Deputy Chief Minister ka Meghalaya uwa pait leh ya ka Home (Police Department), u Prestone Tynsong yow dawa booh biang ya ka Anti Infiltration Directorate yow pait u sylli yei wan psiah pyrchah aiñ ki Bangladeshi chapoh ka West Jaiñtia Hills District, lyngba ki thaaiñ khappood khamtam na u sarok Jowai-Dawki wa haap hapoh ka Amlarem Civil Sub-Division, khnang wow lait ka District wa ka jylla Meghalaya nei eh i khoo ha ki pateiñ wow wan.
Ka seiñ da pynsñiaw ko yei eh nei wan psiah pyrchah ki Bangladeshi chapoh ka District lyngba kini ki ki thaw wei neiliang u Deputy Chief Minister da kular u wow chimkhia ya kani ka kaam.
Da khana u leh wa dang dep chong Meeting u chirup ki sahep pulit wa ki heh ka BSF, wei da kular u leh wow pynkrehkaam da ka Curfew ha ki thaaiñ khapood wei wow pynboon choooh chooh ya ki Police Patrolling wa ki Mobile Unit.
Neiliang ka seiñ da ong ko wa daw booddien ya ini i kaam.
Discussion about this post