Ka Jaintia Students’ Union (JSU) ynne da e ko dei thoh cha u Symbood Montri Rangbah ka jylla, u Sniawbhalang Dhar yow dawa booh ya ka MPSC Examination Centre ha Jaiñtia Hills neibhah da man ko kawa emkaam bha u em.
Ka seiñ da khana ko wa ki daw hi toh wa hap lai luti deiwa jngai ya kiwa sah ha East wa West Jaiñtia Hills najrong wa em ki por wa sahkut kari cha luti wei da jia wa em kiwa lai thoh Exam wym chah de ya ki u thoh ya ka Exam neidaw wa slem ki u poi.
I lai luti cha Shillong man ko leh iwa syad nadooh ka bai lai bai wan kamjooh i bai baam wot hadooh i thaw sah wei ini waroh da ktah bha ko ya kiwa na Jaiñtia Hills hawa lai yaleh kreh ki hawa nujor wa kitu kiwa em chajan ki thaw thoh Exam.
Chooh chooh ka seiñ da ong ko wa dadep ko wow yaklam chaphang ini nadooh wa u Education Minister hadooh ki sahep sorkar tangwa ym em jia iyi iyi leh.
Da kdaw leh yei em ka MPSC Cell ha Jowai tangwa ka wym ye u yarap neidaw wym em hi da ka Exam Centre.
Kamtæ da dawa wow booh Exam Centre hapoh Jaiñtia Hills khlem da pynslem de yow man ko i kyrkhu khamtam ya kitu kiwa dooh wa duk.
Discussion about this post