Ka chnong Darrang, Shnongpdeng, Dawki, Bakur, Lamin, Sohkha, Sohkha Model, Sohkha Shnong, Pamtadong, Padu wa kiwi kiwi wa em ha thaaiñ War Jaiñtia da dooh bordiñ ki nadooh ka 25 tarik u Wisu (Mar) hadien wa pynthut u slap waka la-ær wei ini da man ko iwa da ktah joor ya kitu kiwa yaleh Exam SSLC wa HSSLC.
Kamtæ hajrong ini uwi na ki khynroo ka thaaiñ War Jaiñtia u Riki Mukhim da thoh u cha u Symbood Montri Rangbah, u Prestone Tynsong uwa pait leh ya ka chnat bordiñ wa cha u Chairman Cum Managing Director ka MeECL wa cha ka Sub-Divisional Officer Amlarem Civil Sub Division hajrong ini i kaam.
U Mukhim da ong u wa deiwa sñiaw wyrai ya ki para khynroo wa ki khynnah puræ kiwa man-ki-por da ong wa toh ka mynried yong i tangwa lada kamni cheiwon katæ ka mynried u poi ko.
Da dawa leh na ki bor wa toh u pait yow phah ya ki bru ka chnat bordiñ wa neini chakhmat wow wan pait ki dei langær wei wow pynkhooid tista leh ya ki chrot bordiñ yow lait ki u pat ya oor lane deiwa chah ban ha ki dieñ ki siej. Neibhah kamwa man katni mar ya slap lane beh ka la-ær boon na ki chnong ha War Jaiñtia dooh bordiñ wot ki na ini i daw.
