Hadien wa boon syndet kiwa yoh COVID-19, kamtæ da booh ya ki kyndon ki wow krehkaam ha Ladrymbai Khliehdupon, Ladrymbai B, Ladrymbai Dongwah, Lad Rymbai Datsympein, Byndihati, Cheihruphi, Soo Kilo, Umpleng, Lumshnong wa ha Nongjri nadooh mynstep ka 4 tarik i step 5:00 hadooh 5:00 waje janmiet ka 10 tarik.
Ha kini ki sngi da khang lut ya waroh ki jait yalang la heiwon iwon i dur la hei yalang paidbah, niam næ kiwi kiwi.
Ki kaam bia wa ki lehniam wow pyndep ya kiwa khlaad toh u em du hapoh 30 ngut deiwa yohbor na u DC ka East Jaiñtia Hills.
Ya kiwi ki kaam wa jhan kiwa ymye u kiar ye wow leh deiwa thoh cha ka yung krehkaam u DC.
Ki dukan wa emkaam wow wai (Essential Shop) u wai ki nadooh 9:00 i step hadooh 4:00 i janmiet katwa kiwi toh u man ki kiwa khang.
Waroh ki dukan ja wa cha kam ki Dhaba, Hotel, Restaurant, u man ki kiwa khang lait na kiwa da yohbor wow wai du 50% ki thaw-chong (Seating Capacity). Da pynchlur ya ki bru wow rah yei baam wa da dep thied cha yung.
Kiwa leh pyrchah ya kini ki kyndon wa kiwi ki kyndon yada COVID-19 daw pynchitom ya ki katkam ki kyndon ka aiñ.
Ki yung krehkaam sorkar wa ki yong samen u wai ki kamwa da dep pynbna chwa. lyngba ka Order No.POL.75/2020/Pt I/88 dated 19th April, 2021
Ya ki Medical Emergency wa emkaam Car Pass, ye u yaleh na ka https://megedistrict.gov.in/, næ deiwa thoh cha ka yung krehkaam u DC ka District.
Waroh ki thaw puræ hapoh ka District u man ki kiwa khang ha kini ki por.
