Ka National Payments Corporation of India (NPCI) da pynbna ko ya kiwa boon wa da pynkylla ha ka Unified Payments Interface (UPI) kiwa daw sdang nadooh ka 1 tarik u Naisaphra, 2025. Kini kiwa thymme toh neibynta ki Apps wa pynemkaam da ka UPI yow phah poisa (Application Programming Interfaces) wei kini ki kyndon thymme daw ktah ko ya ka AutoPay wa Balance Inquiry. Wei da leh yeini yow lait u thut ki UPI Service khamtam ha ki por wa boon bha kiwa pynemkaam.
Ini i pynkylla ym ktah ko hawa phah poisa hawa su poisa tangwa iwa daw chah ktah toh manda leh ya ki Balance Inquiry, Transaction Status Update wa kiwi de.
Nadooh ka 1 tarik daw chah wow leh 50 sien yow pait ya ka Account Balance ha ka chi sngi wei yeini da leh neidaw wa joor pynkhia ko yei bor ka UPI wow leh ma leh yeini.
Yow pait ya kiwi de kiwa yatoh wa ka Bank Account wa da pynyabi wa u Mobile Number u chah 25 sien donhi chi sngi.
Ki Recurring Payment kiwa su man-u-bnai næ man-ki-por kam ki Subscription ka Netflix, ki Mutual Fund SIP u chah u leh du heipor wa duna kiwa emkaam itæ chwa ka 10:00 waje i step wa hapyrdi 1:00 waje i sngi hadooh 5:00 waje i janmiet wa hadien 9:30 i miet.
Lada em ka poisa wym lai, u chah u pait yei Status du le sien donhi deiwa hap yang 90 Second chwa wow leh biang.
Yei daw wa leh yeini toh da em hadooh 16 Billion sien i phah poisa da ka UPI ha ka chi bnai iwa da pynkhia bha yei bor ki kor wow leh yeini heiwa ha u bnai April wa u May da em i thut ha kylleiñ ka ri.
Wei iwi na i daw toh wa em boon kiwa phah ma phah ya ka API Request yow pait ya ka Balance wei wow leh ma leh yei jooh (Refresh) ya ka jooh ka poisa wa phah ki wym em lai.
Discussion about this post