U Montri Rangbah ka Assam, u Himanta Biswa Sarma ynne ka sngi da pynbna u wa ki bru wym pu em yoh tika ym chah de ya ki wow psiah ki cha ki thaw paidbah lait noh ki Hospital nadooh ka 15 tarik uni u bnai. Ki bru hap ki wow rah yei sabut wa pynyoo toh kiwa da yoh tika.
Nadooh ka 6 tarik uni u bnai won hadooh wa pynbna da kamwi lada em kiwa yoh COVID-19 palat 10 ngut ha ki 7 sngi wa da lai, ki District Magistrate hap ki wow pynbna ya kini ki thaw kam ki Containment Zone.
Da pynkrehkaam leh ya ka Curfew nadooh 10:00 waje i miet hadooh 6:00 waje i step ha waroh ki District.
Ki dukan, ki Restaurant, ki yung krehkaam ye ki wow wai du hadooh 9:00 waje i miet.
Waroh kiwa kreh sorkar nadooh kiwa kreh Contract toh u man ki kiwa da yoh tika waroh arsien wei kitu ki wym chim tika ym chah ya ki wow wan kreh ki wei hap ki wow chim chuti wei lada da lut ki sngi chuti ki ym su tulop ya ki ha ki por wa dam kreh ki.
Ki kari kit mar u lai u wan ki khlem pynthut, ki kari kamai hap ki wow bood kyndon yada COVID-19 deiwa kamai 100% iwa kit bru.
Ym em khang yei lai na kawi ka District cha kawi.
Ki thaw puræ nadooh ki skur, ki College waki University toh u pteiñ ki yei e sikai Online.
Waroh ki skur kiwa hadooh Class VIII ha Kamrup-Metropolitan District wa hadooh Class V ha waroh kiwi ki District u man ki kiwa khang.
U chah wow wan cha skur dei sngi pood du ya kiwa chong Class IX chaneiñ ha Kamrup-Metro District katwa ha kiwi ki District u chah ya kiwa Class VI chaneiñ.
Ya kitu won kiwa lai puræ Degree/Post Graduate Final Year ki Engineering/Medical College u chah ya kitu kiwa da dep yoh tika pura.
Ki yalang paidbah wa pynman hapoh yung u chah deiwa em 50% na iwa chniam katwa cha lait won daw pynbna da jar jiar ki bor District.
Heiyatoh wa ki bia wa ki kaam niam ym chah wow em bru palat 200 ngut kiwa da yoh tika chisien.
Ha ki thaw mane daw chah 60 ngut chi kynta ha ki thaw wa rap pawnaam wei hap ki wow man kiwa da yoh tika pura katwa ha kiwi won ki thaw mane ki wym toh kiwa pawnaam u chah 40 ngut chi kynta kiwa da yoh tika pura.
Hawa em i yap bru u chah 100 ngut donhi ki bru.
