15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Nadooh ka 15 tarik u wai biang ki yung krehkaam sorkar, ki skur u khang hadooh ka 30 tarik ha Meghalaya

0 Comments

Ki montri ka sorkar jylla ynne da chong yachem ki (Cabinet Meeting) wei ki rai wa chim man ki kamni ha wah:

Waroh ki skur waki thaw puræ u man ki kiwa khang hadooh ka 30th April 2020.

Advertisement ad1

Ki warep ha ki thaaiñ nongkyndong u chah yaki wow lai rep lai bet ki nadooh myntu. Hap ki wow bood yaki kyndon wa pynbna daka chnat i chait i khiah iwa pynmih na i por cha i por.

Ki kaam wa yatoh waka MGNREGA u chah u pteiñ ki ha ki jar jiar ki chnong wa em hapoh ka jylla. Ka bai nong sngi kamjooh ki tiar ki tar wa emkaam wa chongdor hadooh T. 534.6573 klur da dep pynlait cha ki jar jiar ki yung krehkaam ki Block Development Office yow su yaka nong sngi ki wakreh kamjooh yow pynlait yaka Bill ki tiar ki tar wa emkaam.

Ki kaam chna kam yaki sarok wa kiwi kiwi ki jait kaam pynroi wada sdang daka sorkar nadooh u snem man poisa wa da dep, u chah biang u pteiñ ki nadooh ka 15th April 2020.

Ka sorkar da rai ko leh wow chah biang u wai yaki yaw wa pynman chisien chitayaw du haki thaw nongkyndong nadooh ka 15th April 2020, deiwa bood thij yaki kyndon wow yada na u khñiang COVID-19 kamwa da phah daka chnat i chait i khiah.

Ki kari ki bru samen u chah biang u lai ki nadooh ka 15th April 2020.

Waroh ki yung krehkaam ka sorkar u sdang krehkaam biang ki kamwa jooh deiwa wan lut waroh ki wakreh nadooh ka 15th April 2020.

Ka sorkar daw yarap poisa ko cha waroh kiwa mylla sngi, kiwa khayi wa khian wa nai kiwa ym em man kiwa da dep Register kiwa dooh kreh neidaw ka Lockdown wa yaleh pyrchah ya u COVID-19. Hapoh ka Chief Minister’s Relief Against Wage Loss Scheme, kiwa mylla sngi daw e ya ki T. 700 chi tayaw. Ya kani ka poisa daw phah cha ka Bank Account kiwa yoh myntoi. Katwa kiwa yoh myntoi chwa kiwa em pyrtuid hapoh ka Building and Other Construction Workers (BOCW), kiwa em Job Card hapoh ka MGNREGA, ki Muster Roll ka sorkar, ki wakreh kam ki Casual wa Contractual waka sorkar kamjooh ki seiñ wada kyrchaan daka sorkar wa ki warep kiwa da em pyrtuid hapoh ka ‘PM-KISAN’ ym yoh ki ya kani ka T. 700 kawa da kdaw haneiñ.

Ki montri sorkar da yaklam ki leh chaphang kitu kiwa chong chnong ka Meghalaya wa kyntup ya kiwa lai puræ kamjooh ki wakreh cha baar jylla kiwa da em waroh 2192 ngut. Boon na ki da pynsñiaw ki yei kwah yong ki wow liwan biang chapoh ka jylla, tangwa deiwa pyrkhat yei bha i miat yong waroh kiwa em hapoh ka jylla, da chim yaka rai wow phah neh chwa ki haki thaw wa em ki khlem liwan yung hadooh wa kut u bnai April 2020.

Previous
Next

0 Comments

Leave a Reply