theme-sticky-logo-alt
theme-logo-alt

Nadooh ka 2 tarik u sdang ka Meghalaya Games 2022

Ka Meghalaya Games kawa soo daw pynman ya ka nadooh ka 2 tarik hadooh ka 6 tarik u Naisan iwa da pynbna da ka Meghalaya State Olympic Association.

Kani ka kynti daw man ko kawa heh dooh heiwa daw wan chimbynta da palat 2,600 ngut kiwa yalehke ha ki 19 tylli ki jait yalehke. Ha i sien wa khaddooh wa pynman ha u snem 2020 da em kamwa 1,500 ngut kiwa yalehke wa wan chimbynta ha ki 14 tylli ki jait yalehke.

Ka Meghalaya Games toh ka rynsan wow pynyoo kiwa yalehke ka jylla ya i sap yong ki heiwa neiliang ka MSOA da pynsñiaw ko yei sñiawngooh ya ka sorkar kawa da e T. 2.23 klur yow pynman ya kani ka lympung, katakam wa khana u President ka seiñ u John F Kharshiing.

Da ong u leh wa uni toh u moomær wa thymme wa da chim da kani ka sorkar wow wanrah biang ya kani ka lympung hadien u 2020 hadien 16 snem wa pynman ya ka Meghalaya Games.

Ha uni u snem daw pynman ya ka ha Shillong Sports Association Stadium kawa man ka First Ground, Polo.

U General Secretary ka MSOA, u Finely Pariat da ong u wa ka Meghalaya Games daw man ko leh kam ka rynsan yow jied ya kiwa lai chimbynta ha ki lympung yalehke wa pynman hapoh ka ri.

Share this:
Previous

Pynkup burom ka MGPA Jowai Branch ya u Wanteibok Pator uwa yoh hei wa ar ha ka SSLC

Next

I pynsñiawthooh yei kordor ka um yow yirngam ki chnong ki thaw ka Laskein Block