Ka IMD, Meterological Centre, Shillong da pyntip ko wa u slap ha Meghalaya daw pteiñ biang u ha kini ki san sngi hadooh ka 23 tarik wei iwa boon wow hiar u toh ha ka 19 wa 20 tarik ha kiwa boon ki bynta ka jylla Meghalaya wei daw sdang u wow sangeh nadooh ka 23 tarik.
Ha ka 19 tarik u slap daw hiar u ha waroh ki District wei awjan waroh ki thaw ka South Garo Hills, South West Khasi Hills, East Khasi Hills, Ri-Bhoi, West Jaiñtia Hills wa East Jaiñtia Hills. Daw em leh u kdur wa waroh ki District uwa rap joor ha South West Khasi Hills, East Khasi Hills, Ri-Bhoi wa ha West Jaiñtia Hills.
Ha ka 20 tarik u slap daw hiar u ha waroh ka jylla heiwa ha South Garo Hills, South West Khasi Hills, East Khasi Hills wa ha West Jaiñtia Hills daw hiar ha awjan waroh ki thaw wei daw em u kdur ha waroh ki District wa joor ha South West Khasi Hills, East Khasi Hills wa ha West Jaiñtia Hills lait noh ha North Garo Hills wa South West Garo Hills.
Ha ka 21 tarik daw slap biang ha waroh kawi ka jylla heiwa ka South West Khasi Hills, East Khasi Hills, West Jaiñtia Hills wa ha East Jaiñtia Hills daw hiar slap ha awjan waroh ki thaw wei daw em kdur ha South Garo, South West Khasi Hills, East Khasi Hills, West Jaiñtia Hills wa ha East Jaiñtia Hills.
Ha ka 22 tarik u slap daw sdang u wow duna wei ym hiar u ha North Garo Hills wa ha South West Garo Hills tangwa ha East Khasi Hills wa ha West Jaiñtia Hills daw hiar u awjan waroh ki thaw wei ha kiwa boon ki thaw yong kiwi ki District tangwa ym em kdur de.
Ha ka 23 tarik leh ym em kdur de wei u slap daw hiar u sa du ha South Garo Hills, South West Khasi Hills, Ri-Bhoi, East Khasi Hills, West Jaiñtia Hills wa ha East Jaiñtia Hills.
