Shillong: Ka Confederation of Meghalaya Social Organisations (CoMSO) ha ka yalang wa da man ha ka 13 tarik uni u bnai ha Shillong da rai wow sdang noh ya i yakhih wow dawa na ka sorkar jylla wow pynkrehkaam noh ya ka ILP hapoh ka jylla waroh kawi.
Neiliang ka CoMSO da sñiawkhia ko yei wym mano ka sorkar wow wanrah noh ya ka aiñ ILP neibynta wow yada na i psiah tooh ki baar jylla hanlada neiliang u Symbood Montri Rangbah ka jylla u P. Tynsong da kular u wa ka sorkar da jan pynkrehkaam noh ko ya ka ILP hapoh ka jylla.
Hajrong ini i kheiñstiñ ka sorkar, ka CoMSO daw pynman ko da ka “Black Flag Day” ha ka 23 tarik uni u bnai ha waroh kawi ka jylla heiwa daw pyndeiñ lama yong ya ki bru paidbah, u wah lama yong ha ki kari wei wow wah ya ki Flex wow thoh ya ki kyntien dawa ILP wei wow beiñ leh ya ka sorkar.
Hadien ini daw pynbna won da kiwi ki laad yakhih hadooh wa ka sorkar daw wanrah ko ya ka ILP wow pynkrehkaam hapoh ka jylla.
Ka CoMSO da khut ko ya waroh ki paidbah ha ka jylla wow ksohkti lang ha kani ka yakhih.
Discussion about this post