Shillong: Ka sorkar jylla ynne ka sngi da pyntip ko wa daw pynlait ko ya ka song poisa cha ki 2,995 ngut ki tre jylla wa neh cha baar ka jylla wei waroh em ki 10,287 ngut kiwa da phah pyrtuid (Register) neibynta wow yoh yarap wa T. 3000 na ka sorkar.
U Symbood Montri Rangbah ka jylla, u Prestone Tynsong da pyntip u wa ya kani ka poisa da sdang phah (Transfer) nadooh ynne ka 22 tarik, katwa ya kiwi tawon daw pyndep ha ki sngi wow wan.
Da ong u leh wa neibynta kiwa ympu ye u pynbiang yutip wa che, ka sorkar da phah ko ya ki wow pynbiang ki yeini khnang wow ye u phah yarap.
Heiyatoh wa kiwa khih mylla hapoh jylla kiwa toh u yoh yarap T.700 chi tayaaw na ini i khang chnong, u Prestone da pyntip u wa hadien wa pait bniah yeini da em kamwa 2,06,542 ngut kiwa khih mylla wa da chah ktah ha kani ka Lockdown wei ya kani ka poisa daw sdang noh u pynlait nadooh ka Dep-Sngi Bibar (Monday) namo ka 27 Naitung (April) 2020.
Discussion about this post