Nadooh ka 28 tarik u bnai nyngkong u sdang i thap pyrtuid ki kyrtong MDC

Ka sorkar jylla hawa pynbna ya ka Election MDC cha ka JHADC wa KHADC kawa daw pynman ha 21-02-25 kam ka sngi thap Vote katwa ka sngi niaw Vote won ha ka 24-02-25, da pyntip leh wa ya ka Draft Electoral Roll daw pynmih ha ka 27-01-25.

Da pyntip leh wa i thap pyrtuid yong ki kyrtong toh nadooh ka 28-01-25 hadooh ka 03-02-25, wei i bichaar ya ki kot ki sla ki kyrtong wei ka sngi wa khaddooh ya ki kyrtong wow kynran dien toh hadooh ka 04-02-25.

Heiyatoh wa ka Draft Electoral Roll da e por hadooh ka 22-01-25 yow pynbait ya iwa duna iwa bakla wei ya ka Final Electoral Roll u pynmih ha ka 27-01-25 kawa man leh ka sngi wow pynbna ya ka Election.

Related posts

Mynjur u Modi wow dam u thied phniang na Russia: Trump

February 2, 2026

Lai pait ka Santa Mary Shylla ya ki kaam pynroi wa da pynkreh hapoh ka Saipung C&RD Block deilang ka Govt. College

February 2, 2026

Ka Model Code of Conduct daw krehkaam ko leh nadooh ka sngi wa pynmih yei pynbna Elction ha ka 27-01-25 wei u krehkaam ko hapoh u pood u ang ka KHADC wa JHADC.

Heiyatoh wa i pynlut yow pynman Election, neiliang u Prestone Tynsong uwa man leh u Montri ka chnat District Council Affairs, da pyntip u daw pynlut da ka sorkar wei daw khate won ya kani na ka bhah wa ka sorkar toh u e ko cha ka KHADC wa JHADC.