theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Nadooh ka 29 tarik u sdang yakhih kiwa kreh ka MeECL

Ka MeECL Progressive Workers Union (MEPWU) kawa man ka seiñ kiwa kreh Contractual/Casual yong ka MeECL daw pynman ko ya ka yakhih deiwa deiñ lama yong nadooh ka 29 hadooh ka 31 tarik uni u bnai ha waroh ki yung krehkaam ka chnat, wei ya ini i rai yakhih da chim ha ka yalang ka seiñ wa man ha ka 20 tarik uni u bnai.

Kani ka yalang da pynman hadien wa ka seiñ da thoh ko cha u Chairman Cum Managing Director ka MeECL wow paan bor wow yachem ya oo ha ka 09-03-2022 wa ka 13-04-22 tangwa khlem yoh u yachem.

Advertisement ad1

Ka seiñ da yachem ko leh ya u Montri ka chnat Bordiñ ha ka 25-05-22 wei da e dorkhat leh ha oo khlem yoh iwon iwon i jubab, kamjooh leh da pyrchang ko wow yachem ya u Montri Rangbah ka jylla khlem yoh iwon iwon i jubab.

Ini i yakhih wow pynman nadooh ka 29 hadooh ka 31 tarik uni u bnai u pynman khlem ktah ya i rukom saam bordiñ cha ki paidbah wei daw pynman leh ya ka chong kyllaiñmynngor nadooh ka 5 hadooh ka 16 tarik u Naikhynde.

Kam wow kdaw heini ka ka seiñ da dawa ko wow chna ya ka aiñ wow tipmit (Regularise) noh ya kiwa kreh Contractual/Casual hapoh ka chnat kamjooh leh wow yoh ya ka Arrear kawa sah nadooh u Naichiphaw 2018 ter ter.

Advertisement ad1
Share this:
Previous

Daw pynkup burom ka KSU Narpuh ya kiwa yoh 1st Division ha ki Exam

Next

Yoh ka Shillong Cherry Blossom Festival 2021 ya le tylli ki khusnaam ha ka Wow Awards Asia 2022