Ka yung krehkaam u Superintending Engineer, Jaiñtia Hills Distribution Circle, MePDCL, Jowai da pyntip wa da daw sdang biang u pyndooh bordiñ namo ka Load Shedding ka wow sdang nadooh ka 30-04-22 hapoh ka East wa West Jaiñtia Hills District.
Ya ini da hap wow leh neidaw wa duna um ha ki thaw pynlang um namo ki Reservoirs ka MeECL wei ki bynta wa ki por wa pyndooh bordiñ man ki kamni ha wah:
Nadooh 10:00 waje i step hadooh 12:00 waje pyrdi sngi: daw pyndooh bordiñ lyngba ka Sub-Station 132/33 KV Khliehriat Sub-Station iwa daw ktah ya waroh ka chnong Khliehriat, Sutnga, Rymbai, Wapung, Saipung wa waroh kiwi ki chnong wa em hapoh ka Khliehriat wa Saipung Block wa kynthup lang ya ka Shangpung, Iooksi, Mowkaiaw wa waroh kiwi ki chnong wa em chajan.
Nadooh 4:00 waje i janmiet hadooh 6:00 waje i miet: daw pyndooh bordiñ lyngba ka 132/33KV Lumshnong Sub-Station iwa daw ktah ya waroh ki chnong wa em hapoh ka thaaiñ Narpuh, Lumshnong, Sonapur, Umkiang, Ratacherra wa waroh ki chnong wa em chajan.
Nadooh 12:00 waje pyrdi sngi hadooh 2:00 waje i sngi: daw pyndooh bordiñ lyngba ka 132/33 KV Mustem Sub-Station iwa daw ktah ya waroh kawi ka chnong Jowai wa waroh ki chnong wa em hapoh ka Thadlaskein wa Amlarem Block wa kynthup lang ya ka chnong Wahiajer, Nartiang, Mynsngat, Thangrain wa kiwi kiwi.
Nadooh 1:00 waje i step synyaw hadooh 5:00 waje i step: daw pyndooh bordiñ biang ya u 132/33 KV Mustem Sub-Station iwa daw ktah biang ya waroh kawi ka chnong Jowai wa waroh ki chnong wa em hapoh ka Thadlaskein wa Amlarem Block wa kynthup lang ya ka chnong Wahiajer, Nartiang, Mynsngat, Thangrain wa kiwi kiwi.
