Nadooh kiwa dang hapoh 10 snem hadooh kiwa da heh rta wa chimbynta ha ka Run For Unity ha Khliehriat

Kam chibynta ka lehkmen National Unity Day, ka yung krehkaam u Superintendent of Police ka East Jaintia Hills District ynne da pynman ko ya ka yaphet yong paidbah neibynta ki chynrang wa ki kynthai kawa sdang nadooh yung krehkaam u SP cha Rymbai wei da dong biang cha yung krhekaam u SP.

Kani ka yaphet toh kawa jrong 10 Km wei da kaweh lama ka da u SP, u Vikash Kumar wei da wan wow chimbynta nadooh kiwa da heh rta kiwa da em 50 snem chaneiñ wa kiwa hapoh 10 snem.

Kiwa jop ha ki kynthai wa chynrang da yoh ki Rs.10,000, kiwa yoh wa ar Rs. 7000 wei kiwa yoh wa le Rs. 5000 deilang ki Certificate, Medal wa Trophy wei da e leh ya ka khusnaam cha kiwa heh rta dooh wa kiwa khian rta dooh.

Ha ki chynrang da yoh nyngkong u Knerlang Phawa, hei wa ar da yoh u Mebansainborlang Pathaw katwa hei wa le da yoh u Daiohi Mitre Pale.

Ha ki kynthai da yoh nyngkong ka Jidalin Tympuin, hei wa ar da yoh ka Phyrnai Kyndait katwa hei wa le da yoh ka Pinky Lamurong.

Related posts

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Dawa ka HYC wow su ya ka tulop ki Contractual Nurse wa sahteiñ nadooh u Naichiphaw 

January 12, 2026

Yei khusnaam wa khian rta dooh da yoh u Meban Sumer wa u Peter Sutong katwa ka Rimika Pyrtuh wa u Lam Shadap da yoh ki yei khusnaam wa heh rta dooh.

Ka National Unity Day (Rastiya Ekta Diwas) da pynman ka kam chibynta wow lehkmen ya ka sngikha u Sardar Vallabhbhai Patel.