Nadooh na Guwahati, ha Nongriat wa cha luti da pyrchang pynyap ya u Raja, pyntip u SP

Hadien wa ki pulit da takit bniah ki ya ki 3 ngut napyrdi ki 5 ngut kiwa da chah kem hajrong i chah pynyap u Raja Raghuvanshi, ki pulit da chem ki wa ki le ngut kiwa wan cha Shillong, u Vishal Singh Chauhan, u Anand Kurmi wa u Akash Rajput, da kam ki wa yarap donhi ki ya u Raj Kushwaha wa ka Sonam Raghuvanshi ymtoh wa pynyap deiwa su nong.

Hawa pyntip ynne ka sngi, u Superintendent of Police ka East Khasi Hills, u Vivek Syiem da khana u wa ki 3 ngut kiwa da wan cha Shillong toh kiwa chilok wei uwi toh uwa dang chiyung wa u Raj Kushwaha, wei ymtoh wa chim bai nong næ kam ki Contract Killer, tangwa da yarap donhi yei thmu wow pynyap.

U SP da pyntip u leh wa hawa takit da phla wa nadooh u Thohlakhmi (Feb) uni u snem da em i pyrkhat yow phah yut rieh ya ka Sonam deiwa ong wa chah rah um ko ha kawi ka wah, iwi won i rukom pyrkhat toh wow thang ya kawi ka bru deilang wa ka Scooty deiwa ong wa toh ka Sonam.

Da khana u wa hadien wa ka Sonam wa u Raja dadep bia ki, da wan ki wow lai duwai ha Kamakhya Temple, Assam heiwa ki 3 ngut dapoi ki ha Guwahati nadooh ka 19 tarik u Naisan wei da thmu ki wow pynyap ya u Raja ha kawon kawon ka thaw ha Guwahati, tangwa neidaw wym ye ki wow leh yeini i kaam ha Guwahati, kamtæ ka Sonam da sooh buit ko wow wan cha Shillong wei wow lai leh cha Sohra.

U Vivek da khana u wa ka Sonam wa u Raja Raghuvanshi da yachem ki wa ki 3 ngut hawa liwan na Nongriat wei hadien da lai cha Wei Sawdong wei manda poi ha ka Parking Lot heipor 2:18 i sngi, uwi hadien uwi da dat ki ya u Raja hakhmat ka Sonam wei da noh won ya oo cha riat.

Related posts

Sangeh ka USA wow e Visa ya ki 75 tylli ki ri

January 15, 2026

U Zubeen da muaid wei da kyntait u wow sap Life Jacket chwa wow yap ngam um

January 15, 2026

U SP da khana u wa hadien wym yoh laad wow pynyap ya u Raja ha Guwahati, da wan ki cha Shillong neitæ cha Sohra wei hei miet ka 22 tarik mandapoi ha Nongriat leh da thmu ki wow pynyap ya u Raja tangwa neidaw wym em thaw noh yei metyap kamtæ da sepai noh i thmu ki.

Ha ka 23 tarik da pyrchang leh sa chisien heipor wa dang lai jung u Raja ha sarok hawa lai na Mawlakhiat cha Wei Sawdong tangwa ym yoh laad wei hawa khaddooh manda poi hei thaw pynyieñ kari ka Wei Sawdong da yoh laad ki.