U MLA wa General Secretary warim ka United Democratic Party (UDP), u Dr. Jemino Mawthoh da ong u wa da mut u wow mih noh na ka UDP nadooh u snem 2023 hadien wa rem noh u ha ka Election MLA.
Hawa klam ha ka yalang psiah cha ka BJP, da ong u wa i psiah u toh deiwa pyrkhat wei bichaar bha wei hawa pait ya ka Meghalaya deilang i rukom man ka saiñpyrthai ka jylla, da sñiaw u wa ka BJP toh ka Party kawa biang dooh hanla em kiwi ki seiñ kiwa yasyllok wei khut ya oo.
Da ong chooh chooh u wa da yoo u boon i kylla ha ka ri nadooh u snem 2014 wa synchaar ka BJP, nadooh i roi i paar wa ki Policy wa da wanrah.
Da khana u wa nadooh u snem 2022 kiwa yahkhmat ka BJP nadooh Delhi da lai ki wow yasyllok wa oo, tangwa ha kitu ki por da pynsñiaw u yei wym sñiaw ye wow ieh noh yei kaam kiwa yatoh wa ka UDP.
U Dr. Jemino da khana u wa hadien wa iehnoh u yei kaam kam uwa yahkhmat ka UDP, neiliang u MH Khrakrang toh uwa nyngkong wow pynsñiaw wa smat u wow pdiang ya oo cha ka BJP.
Discussion about this post