Nadooh u EE hadooh u SDO ym bien ki u kitkhlieh yei dawa kær ya ki Transformer wa em ha Jalaphet

Ka Jaiñtia National Council (JNC) Jalaphet Circle ha ka 18 tarik uni u bnai da lai yachem ko wa u EE ka MePDCL Khliehriat Division yow ujor neidaw wym em kær ya ki Transformer kiwa em hapoh ka chnong Jalaphet.

Ka seiñ da khana ko leh ya ki thaw wa em kini ki Transformer kam ka Than Mulait, Urchuni, Lad Chur Chur, Chur Chur wa Lad Narwan kiwa da emkaam bha wow kær smat yow lait na iwon iwon i jia wa sñiawsih neibhah kiwa chong chnong kiwa boon toh kiwa ri mrad wei daw man kawa dooh nong wa khroo ya ki tre.

ADVERTISEMENT

Neiliang u EE won da pyntip u wa kani ka kaam toh kawa haap hapoh i pait u SDO wei neiliang ka seiñ leh da lai yachem ko wa u SDO uwa da ong wym em bor u wow leh iyi iyi neibhah yeini hap wow pait da ki bru wa em haneiñ kiwa em ha ki Headquarter yong ka jylla.

Ka seiñ da chem ko leh wa dang em boon kiwi ki thaw kiwa chah ktah kamni hi ki wym pu em kær ya ki Transformer yong ki.

Related posts

Da sdang ya ka East Jaintia Hills Tourist Taxi Driver and Owner Association kawa kamai kari cha Guwahati wa kiwi de ki thaw cha baar

October 23, 2026

Da ka Traditional Horse Racing Competition wa Horse Show Competition pynman ka West Khasi Hills

October 23, 2026

Kamtæ ka seiñ da maham ko wa lada ym chimkhia ka chnat wow leh yeini i kaam iwa man kaam yap kaam im, da toh wow khang syndon ya ki yung krehkaam kiwa da man kam ki thaw chong-ke khlem da kreh yeiwa da pynkit ha kiwa krehkaam. Wei lada ym wan kær daw thooh da ki laad wa khor, da ong ka seiñ.