Ki dkhot ka KSU Bengaluru Unit da yoh ki wow lai e mynsien ya ki khynnah kiwa da yoh kjut hadien wa baam yei baam wa da sah da kylla bih wei da yoh leh wow e yarap cha kitai ki khynnah kiwa emkaam ha kam ini wa jia wa sñiawsih.
Kam wow pynkynmoo wa ini toh iwa da jia hapoh ka jylla Karnataka ya ki khynnah skur ka Gokula Vidya Samsthe wa em ha Malavalli, Mandya District heiwa da dooh leh yei mynsien ki ar ngut kini ki khynnah kitæ u Krehlang Khongtani uwa na chnong Lyndem wa u Name Bantei Marwein uwa na ka chnong Lawse.
Hei chem ka seiñ, da em kamwa 120 ngut ki bru kiwa da yoh kjut hadien wa baam ya ini i baam wa da sih iwa da pynkhreh ha kawi ka Hotel ha Malavalli wei na kini kynthup ya 40 ngut ki khynnah kani ka skur heiwa 24 ngut kini ki khynnah skur toh kiwa na Meghalaya.
Da chem leh wa da em le ngut kiwa dang em hapoh ka ICU ha thaw sumaar Mandya Institute of Medical Sciences wei kiwi won toh kiwa da rap khlan.
Da pyntip leh wa ki dkhot yong ka KSU Bangalore Unit man-ka-sngi da lai ki wow pait ya ki khynnah wa thiah kjut wei hawa yaklam wa ki Doctor ki ka Hospital, da pyntip wa ym pu man wow e iwon iwon i baam ya kini ki khynnah lait noh ka um snikor wei da chem leh wym em biang um snikor ha kani ka thaw sumaar, kamtæ da lai phet ki yow lait thied snikor neibynta waroh kini ki khynnah wa thiah kjut.
Discussion about this post