Ka sorkar Meghalaya da soi soskular ko wa ka National Insurance Company Limited, kawa man kam ka General Health Insurance Company ha India yow pynkrehkaam ya ka Megha Health Insurance Scheme (MHIS) Phase-5 deilang waka Pradhan Mantri Jan Arogya Yojana (PMJAY) wei yeini da soi ha ka 24 tarik uni u bnai.
U Ramkumar S, IAS, CEO Megha Health Insurance Scheme wa man leh kam u Additional Secretary Health & Family Welfare, ka sorkar Meghalaya da soi u ya kani ka soskular katwa u L. S. Puni Isaac, Assistant Manager, National Insurance Company Limited da soi u neibynta ka Insurance Company hei emlang u Montri ka chnat i chait i khiah, u James P.K Sangma deilang wa kiwi de ki heh.
Ka Insurance hapoh ka MHIS-5 waka PMJAY da pynku na T. 5,00,000 cha T. 5,30,000 wei da pynboon leh ya ki myntoi wa ye u yoh hapoh kani ka Scheme.
Waroh kiwa toh u yoh myntoi u man ki kam kiwa chong chnong ka Meghalaya lait noh kitu kiwa kreh ha ka sorkar pyrdi.
Kani ka Megha Health Insurance Scheme (MHIS) Phase 5 wa Pradhan Mantri Jan Arogya Yojana (PMJAY) u sdang krehkaam ko nadooh ka 01-09-22.
