Nadooh uni u bnai u sdang noh u pynemkaam da i phniang BS-VI Fuel ha Delhi yow yada ya ka Rymaw

Jowai: U Montri ka Petroleum & Natural Gas u Dharmendra Pradhan da pyntip u wa ka sorkar da chim ko ya ka rai wow pynmih noh ya i phniang BS-VI Fuel ha Delhi nadooh uni u bnai heithaw u Naitung (April) 2020 hadien wa pyrkhat yei joor i sih ka la-ær ha Delhi ha kini ki bnai wa dadep.

Da ong u wa da yooluti wa deiwa pynemkaam da ini i phniang BS-VI Fuel daw pynhiar ko ya i em 5 chah u Sulphur iwa man leh 80 Percent i duna Sulphur wow wanrah leh ya la-ær wa khooid.

Ini i phniang toh kiwa ye u pynemkaam ki kari wa rim leh wei ka BS-VI leh man ko kawa khooid kam ka Compressed Natural Gas (CNG) hi.

Katkam ka wa chem ka Centre for Science & Environment da ong wa kamwa 10,000-30,000 ngut ki bru wa dooh yei mynsien du neidaw wa sih ka la-ær ha Delhi man u snem. Kamtæ ka sorkar pyrdi deiwa pyrkhat yeini yow yarap ya ki paidbah wa chah ktah ki da chim ko ya ka rai.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Tangwa wow chim kabu hi ya ini i phniang emkaam leh ya ki Company wa chna kari wow chna ki ya kiwa ye u pynemkaam hok ya ini i phniang heiwa da em ki Company wa chna hapoh ka ri kiwa ye u pynemkaam ya ka phniang BS VI tangwa ya kini ki kari da phah ya ki cha baar ka ri. Kamtæ u Pradhan da kyntu u ya ki wow chimkhia ki ya iwa emkaam ka ri.

Hadien wa pynmih ya kani ka phniang BS VI, ka India da emlang ko wa kiwi ki ri hapoh ka dawbah Asia – Pacific kam ka Japan, South Korea, Hong Kong, Australia, New Zealand, Philippines wa ka China tangwa ha China ya kani ka phniang da pynekaam du ha ki Truck.