Shillong: I chna ya ka Assembly Building namo ka yung yong ka Dorbar Chna aiñ wa thymme ka sorkar jylla hadien wa baam i diñ ya i yung warim 16 snem nachwa daw sdang i nadooh uni u bnai wow wan ha New Shillong Township, Mawdiangdiang.
“Daw pyntikna i wa i kreh ya kani ka yung u sdang noh i nadooh uni u bnai wow wan” da ong u Speaker ka Assembly u Abu Taher Mondal ynne hadien ka High Power Committee.
Da em hadooh 7 tylli ki company kiwa thap tender wei na kini da jied ya 3 tylli ki company wow leh ya ka Financial Bid katkam ki kyndon ka Public Work Department.
Kini ki company kynthup ki ya ka Shapoorji Pallonji Co. & Ltd., Simplex Infrastructure Limited wa ka Shree Gautam Infrastructure Company Limited.
“Ki kot Financial Bid u wai ya ki ha kani ka 25 tarik wei kiwa duna dor dooh toh ki wow yoh ya ini i kreh wei yooluti wa u sdang ini i kreh nadooh uni u bnai wow wan” da ong u Mondal.
I dor wa da booh leh toh T. 105.58 klur, wei da antaad hawah haneiñ i dor wow pyndep toh T. 141.14 klur.
“I kreh toh u pyndep hapoh le snem nadooh ka sngi wa sdang ya ini i kreh” da ong u.
Discussion about this post