Hadien wa pynmih hukum ka National Green Tribunal (NGT) heiyatoh waka mukotduma O.A. No.134/ 2015 wa tip kam ka “Friends through its General Secretary versus Ministry of Water Resources” heiwa ha kani ka hukum wa pynmih haka 20-05-2019, da phah yaka Ministry of Environment, Forest and Climate Change (MoEF&CC) wow wanrah ko ya ki kyndon yow pait yei pynkhooid um wa tip kam ka Reverse Osmosis Based Water Purification System.
Kamtæ ka MoEF&CC da pynmih ko yaka Water Purification System (Regulation of Use) Rules, 2023 heiwa da kdaw ko ya ki kyndon kammon wow leh, u pynlang wei wow pynemkaam ya ka um wa da chah kyntait hadien wa dep pynkhooid kamjooh ki jakhlia na iwa leh yeini.
Ya kini ki Rules da pynmih haka 10-11-23, wei daw krehkaam noh ko nadooh ka 10-11-2024.
Ka Bureau of Indian Standards (BIS) leh da pynbna ko yaka “IS 16240: 2023 Reverse Osmosis based point of Use Water Treatment System for Drinking Purposes – Specification (First Revision)” haka 16-03-23, da pyntip u Union Minister of State for Environment, Forest and Climate Change u Ashwini Kumar Choube, ynnin hapoh Parliament.
Kini kiwa yaleh mukotduma da ong ki wa i pynkhooid um deiwa leh da ka Reverse Osmosis (RO) ym em krehkaam i heiwa du 20% ka um wa poi chapoh ka RO System da ye u pynkhooid ka wei 80% toh kawa em wei jakhlia wei da sepai ko, wei manda pynlait ka cha ki um ki wah da ktah ko ya waroh ki jait wa em ha ki um ki wah.
Chooh chooh da ong ki wa kini ki RO System da pynemkaam ki ha ki yung ki sem, ki yung krehkaam, ki Canteen, ki Hotel wa ki karkhana tangwa kani ka um ymtoh kawa khooid wei kani ka rukom pynkhooid leh da pynduna ko yei em ki Minerals haka um iwa da pynman yaka um ka wym miat u dih.
Discussion about this post