Ka BCCI ynne da pynbna ko ya ka song poisa wa heh bha neibynta ka Indian Women’s Cricket Team hadien wa man ki kam ka Champion ka ODI World Cup deiwa pynream ya ka South Africa. U Secretary ka BCCI, u Devajit Saikia da khana u wa kiwa yalehke deilang ki Support Staff daw yoh ki ya ka song poisa wa Rs. 51 klur kam wow tipmit ya uni u moomær.
Hei yahkhmat ka Harmanpreet Kaur, ka India da jop ko ya ka South Africa da 52 Run ha ka Final ka Women’s World Cup.
Ha u bnai wa dep, u Chairman ka ICC, u Jay Shah da pynbna u yei pynku da jan 300% ya ka song poisa ka kani ka World Cup heiwa nyngkong man ko 3.88 million dollars, heiwa da pynku cha 14 million dollars. Najrong ini ka BCCI da pynbna won ko wa e u khusnaam cha waroh ka Team India nadooh ki player, ki coach, ki selector wa support staff deiwa e Rs. 51 klur.
Kam kiwa jop ya ka ICC Women’s World Cup, ka India u yoh ko Rs. 37.3 klur iwa da ku da 239% ha u 2022, heiwa ka Australia da yoh ko Rs. 11 klur.
Waroh ka song poisa ka 2025 Women’s World Cup man ko Rs. 116 crore, iwa man awjan le chah hawa nujor ya ka Rs. 29 klur wa da saam ha World Cup 2022 wa pynman ha New Zealand. Iwa rap kyrpang ha uni u snem toh hei sien nyngkong ka ICC da e ko ka jooh ka song poisa neibynta ka World Cup ki chynrang wa kynthai. Wei hawa kheiñlang ha uni u snem ka song poisa waroh datam ko ya ka 2023 Men’s World Cup kawa Rs. 84 klur.
Discussion about this post