Ka Khasi Students’ Union (KSU) East Jaiñtia Hills District Unit lyngba ka Education Cell hadien i ujor na ki kattu katni kiwa chong chnong ka Rymbai wa ym em wa sikai Science la chi snem kattu ha Rymbai Government Secondary School, da lai pait ko ya kani ka skur wei da chem wa nadooh wa ka sorkar da kyrriah kaam ko ya kiwa sikai kiwa jooh em ha katai ka skur, hadooh katni ka sorkar ym pu ye ko wow thung biang da kiwi wow man kam kiwa sikai wa pura.
Ka seiñ da ong ko wa ini man ko i dooh nong wa khroo bha yaki khynnah khatam kiwa pynkhreh ya ka SSLC Exam.
Kamtæ da kyntu yaka chnat wa toh u pait yow chimkhia ko smat hajrong ini i kaam neibhah ini da man ko i dooh nong wa khroo ya ki khynnah kiwa em cha palatsor.
Chooh chooh ka seiñ da chem ko wa kiwa boon ki kamra kani ka skur kamjooh ka yung skur hi waroh kawi toh kawa piah da pra wei kiwa da pyut wei da man ko leh kawa khynnia wei kini waroh leh toh u pynchna noh ka sorkar.
Da dawa leh wa da toh u pynku kyrdan noh ya kani ka skur cha ka Higher Secondary School neibhah hadooh katni ym pu em ka Higher Secondary School sorkar ha East Jaiñtia wei neiliang ka seiñ da tip ko wa da em i tyrwa namo ka Proposal nadooh 3 snem nachwa kawa da sahkut neidaw wym pu em dep u chna ya ka yung khyndaw-bilat wei ka sorkar toh u chimkhia ko yeini waroh.
Discussion about this post