Jowai: Ka AJYWO Central Body hadien wa yoh ujor ko na ki kattu katni ngut kiwa su bai bordiñ na kawi ka chnong ha East Jaintia Hills, wa haap su tam ki sa T.100 nalor i dor wa chon da ka Computer.
Ka seiñ da lai ko cha ka MeECL, Khliehriat Revenue Sub-Division, Khliehriat wow paan pynche hajrong ini i hap su tam ya ka bai bordiñ.
Ka seiñ da chem ko wa ym em ka hukum wa pynmih ka Khliehriat Revenue Sub-Division wow su sa T. 100 nalor ka bai bordiñ wa dadep chon. Ka seiñ da ong ko leh wa da chem ha ki bai bordiñ wa chon da ka Computer da em won wa thoh sa da u khulom wa haap u su sa T. 100 wei ini toh wa chim kabu kiwa lai khrong bai bordiñ.
U President ka seiñ u MH Dkrhar da ong u wa i leh ka MeECL ha kini ki snem wa da dep wow phah da ki bru wow li khrong bai bordiñ da pynsuk ko ya ki paidbah khamtam kiwa kup chilliang sem chilliang yow lait u lai jangai wow su bai bordiñ tangwa ini katni da man i iwa pynchitom ya ki paidbah hawa chimkabu kini kiwa wan khrong bai bordiñ kiwa phah su tam ya ki paidbah.
Ka seiñ da maham joor ko ya kini kiwa chim kabu wa ymtoh u leh ki cha palat pood wa da booh ka MeECL wei lada chem ka seiñ daw e kti ko cha ki bor ka aiñ wei da kyntu leh ya ki paidbah wym toh u su ki palat yeiwa da chon da ka Computer.
Discussion about this post