Shillong: U Union Minister of State for Power and New & Renewable Energy (Independent Charge) u R.K. Singh wa u Chief Minister ka Meghalaya u Conrad K Sagma ynnin ka sngi sdang ki ya ka Pradhan Mantri Sahaj Bijli Har Ghar Yojana, Saubhagya ha Shillong heiwa da mang wow pynpoi bordiñ cha 1.39 Lak ki manyung hapoh kani ka Scheme.
U Singh da ong u wa kani ka Scheme daw wanrah ko yei kylla hapoh ka ri ka wow pynyoh bordiñ sa cha ki manyung kiwa dang sah wei yeini toh u pyndep ha u Kmaichonglad (Dec) 2018 kawa nyngkong da booh ha ka 01-04-2019.
U Singh da khana u leh ya ka thong wa da booh da ka sorkar yow pyntikna leh wa kiwa dooh na kiwa dooh leh u ye ki u pynpoi bordiñ cha yung yong ki hei por wa tbian.
Da ong u leh wa ka sorkar India daw pynpoi bordiñ ko cha ki chnong ki wa dang sah hapoh ka jylla Meghalaya hapoh ka 30 tarik uni u bnai wei katkam ka thong wa da booh u montri rangbahdooh ka ri toh hapoh 1000 sngi waroh ki chnong wa em hapoh ka ri toh u yoh bordiñ ki wei kani ka 1000 sngi u kut ko ha ka 11 tarik u Naisan (May) 2018.
Hapoh ka jylla Meghalaya, 1176 ki chnong da em 56,000 ngut ki wow yoh myntoi na kani ka Scheme Saubhagya.
U montri rangbah ka jylla u Conrad K Sangma da yaroh u ya ka sorkar pyrdi wei da kular u wa kani ka sorkar wa thymme u kreh chitom ko yow pynku ya ka jylla waroh kawi.
U Conrad da ong u leh wa emkaam wow thooh da kiwi ki laad wow pynmih bordiñ kam ki Hybrid Systems heiwa u pynemkaam yei bor ka um deilang i bor ka sngi waka la-ær wow yarap pyndap yei emkaam bordiñ ka jylla.
Ha kani ka sngi da saam leh ya ki Sanction Order wow pynpoi bordiñ cha ki 30 tylli ki manyung.
Discussion about this post