Nalor wa tip wa daw kheiñ u chrot light, ki wakreh ka MeECL yang ki hawa kheiñ hiwot u

Jowai: Kiwa chong chnong ka Umchangiar, Jowai ynne ka sngi da chem ki ya uwi u chrot light wa da kheiñ na khlieh wei uni u chrot toh uwa em hajan yung bru.

U R. Najiar uwa man kam u Chairman ka Umchangiar da pyntip u wa heipor wa wan sylli kiwa kreh MeECL ya u transformer wa em ha Umchangiar da pyntip u ya ki wa em ki chrot light wa da baam ka sarah na tre yong ki, wa uwi u chrot dieñ uwa da pyut.

Da ong u (Najiar) wa kini ki jooh hi kiwa kreh wa pyntip wa uni u chrot wa da khliah katni daw khlieh u heiwon iwon i por wei ym slem de daw wan kylliang noh ki oo.

Hadien wa wan biang ki sa chisien da pyntip ki wa kiwi ki chrot toh kiwa dang hoi wei daw dung da i kyndawbilat na tre donhi.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Tangwa ya uni u chrot wa da ong ki wa daw kheiñ ym em kylliang won ki oo.

Kiwa yahkhmat ka chnong da ong ki wa ini leh stiñ ka MeECL da booh ko hei maa ya ki paidbah neibhah lada tkut ki sainar bordiñ kamwa dadep jia cha kiwi ki chnong da poi u pood wot hadooh wa da dooh yei mynsien bru wa ki mynsien ki khynnah.

Kamtæ da kyrpad ki ya kiwa kreh ka MeECL wow chimkhia ki ya ini i kaam yow lait na iwon iwon i jia wa sñiawsih.